امریکا اپنے جوہری ہتھیاروں میں اضافہ کرے گا‘ ڈونلڈ ٹرمپ -
The news is by your side.

Advertisement

امریکا اپنے جوہری ہتھیاروں میں اضافہ کرے گا‘ ڈونلڈ ٹرمپ

واشنگٹن : امریکی صدر ڈونلڈ ٹرمپ کا کہنا ہے کہ امریکا اس وقت تک ہتھیار تیار کرتا رہے گا جب تک لوگ اپنے ہوش وحواس میں آجائیں۔

تفصیلات امریکی صدر ڈونلڈ ٹرمپ نے صحافیوں سے گفتگو کرتے ہوئے کہا کہ امریکا روس اور چین پر دباؤ ڈالنے کے لیے اپنے جوہری ہتھیاروں میں اضافہ کرے گا۔

ڈونلڈ ٹرمپ نے ایک بار پھر روس پرالزام عائد کرتے ہوئے کہا کہ اس نے 1987 میں کیے جانے والے آئی این ایف معاہدے کی خلاف ورزی کی ہے۔

انہوں نے خبردار کیا کہ امریکا اس وقت تک ہتھیار تیار کرتا رہے گا جب تک لوگ اپنے ہوش وحواس میں آجائیں۔

دوسری جانب روس نے کہا کہ اگر امریکا نے مزید ہتھیار تیار کیے تو وہ بھی خاموشی سے نہیں بیٹھے گا۔

امریکا کی جانب سے روس سے جوہری معاہدہ ختم کرنے کے بعد امریکی قومی سلامتی کے مشیر جان بولٹن روس پہنچ گئے ہیں جہاں وہ روس کے اعلیٰ حکام سے ملاقاتیں کریں گے۔

امریکا کا روس کے ساتھ ایٹمی ہتھیاروں کا معاہدہ ختم کرنے کا اعلان

یاد رہے کہ 21 اکتوبر کو امریکی صدر ڈونلڈ ٹرمپ نے کہا تھا کہ امریکا روس کے ساتھ ایٹمی ہتھیاروں کے تاریخی معاہدے کو ختم کر رہا ہے۔

ڈونلڈ ٹرمپ کا یہ بھی کہنا تھا کہ روس نے 1987 کے انٹرمیڈیٹ رینج نیوکلیئر فورسز (آئی این ایف) معاہدے کی خلاف ورزی کی ہے۔

Comments

comments

یہ بھی پڑھیں