The news is by your side.

Advertisement

ایران کو جوہری ہتھیاروں کا حامل نہیں دیکھنا چاہتے، امریکی صدر

واشنگٹن: امریکی صدر ڈونلڈ ٹرمپ نے کہا ہے کہ ہم یہ نہیں چاہتے کہ ایران جوہری ہتھیار حاصل کرے۔

غیرملکی خبررساں ادارے کے مطابق امریکی صدر ڈونلڈ ٹرمپ نے کہا ہے کہ ایران ایک طویل عرصے سے مسئلہ بنا ہوا ہے اور اوباما کا تہران کے ساتھ کیا جانے والا جوہری معاہدہ بھیانک تھا۔

ڈونلڈ ٹرمپ نے کہا کہ میں ایران کے ساتھ جنگ نہیں چاہتا مگر میں جوہری ایران یا ہمیں دھمکیاں دینے والا ایران بھی نہیں چاہتا ہوں، امریکی پابندیوں نے ایرانی معیشت پر تباہ کن اثرات مرتب کیے ہیں۔

واضح رہے کہ اس سے قبل امریکی صدر نے دھمکی آمیز بیان میں کہا تھا کہ اگر ایران لڑنا چاہتا ہے تو بتادے، وہ ایران کا آخری دن ہوگا۔

مزید پڑھیں: امریکی صدر کی ایران کو صفحہ ہستی سے مٹانے کی دھمکی

ٹرمپ نے ایران کو خبردار کیا تھا کہ وہ دھمکیوں سے باز آجائے اور دوبارہ امریکا کو نہ دھمکائے ورنہ اسے اس کی بھاری قیمت چکانی پڑے گی۔

دوسری جانب ایران کی طرف سے امریکا کو دھمکانے کے بعد امریکی فوج کی بڑی تعداد، جنگی بحری بیڑہ اور لڑاکا طیارے بھی خلیجی ملکوں میں تعینات کردئیے گئے ہیں۔

امریکی حکام کا کہنا تھا کہ جنگی تیاریوں کا مقصد ایران خطے میں اس کے حامی ملیشیاؤں اور پاسداران انقلاب کی جانب سے خطرات کا مقابلہ کرنا ہے۔

یاد رہے کہ امریکا کے ساتھ ساتھ سعودی عرب نے بھی ایران کو متنبہ کیا تھا کہ وہ کسی بھی قسم کی جارحیت سے باز رہے، بصورت دیگر سنگین نتائج کا سامنا کرنا پڑے گا۔

Comments

comments

یہ بھی پڑھیں