اسلام آباد: صدر مملکت ڈاکٹرعارف علوی نے کہا کہ پاکستان کا قومی ایجنڈا اقوام متحدہ کے پائیدار ترقی کے اہداف کے عین مطابق ہے۔
تفصیلات کے مطابق وفاقی دارالحکومت اسلام آباد میں اقوام متحدہ کی جنرل اسمبلی کی صدر ماریہ ماریہ فرنینڈا ایسپی نوزا نے صدر پاکستان ڈاکٹرعارف علوی سے ملاقات کی۔
صدرمملکت نے ملاقات کے دوران صدر جنرل اسمبلی کی توجہ مقبوضہ کشمیر میں بھارتی فورسز کے جاری مظالم کی جانب مبذول کرائی۔
انہوں نے کہا کہ تنازعات کی روک تھام اور جموں کشمیرسمیت تمام اہم دیرینہ تصفیہ طلب معاملات کے حل میں اپنا فعال کردار ادا کرے۔
ڈاکٹرعارف علوی نے کہا کہ پاکستان اقوام متحدہ اور اس کے منشور کی حمایت کے لیے اپنا فعال کردار ادا کرتا رہے گا، پاکستان کا قومی ایجنڈا اقوام متحدہ کے پائیدار ترقی کے اہداف کے عین مطابق ہے۔
کشمیر میں بھارتی مظالم پر اقوام متحدہ میں تحقیقاتی کمیشن قائم کیا جائے، وزیراعظم
صدر پاکستان نے کہا کہ پاکستان نے اقوام متحدہ کے امن مشنز میں اپنی بھرپور شرکت کے ذریعے عالمی امن کے قیام میں خاطرخواہ کردار ادا کیا ہے۔
انہوں نے اقوام متحدہ کی سلامتی کونسل میں اصلاحات پربات کرتے ہوئے کہا کہ پاکستان چاہتا ہے کہ مجوزہ اصلاحات کا یہ عمل اتفاق رائے کے ساتھ شروع کیا جائے جو تمام ممالک کی امنگوں کا عکاس ہو۔
صدر مملکت نے امید ظاہر کی کہ اقوام متحدہ کی جنرل اسمبلی کی موجودہ صدر کی قیادت میں ادارہ مزید مستحکم ہوگا۔
تنازعات کی روک تھام اور جموں کشمیر سمیت تمام اہم اوردیرینہ تصفیہ طلب معاملات کے حل میں اپنافعال کرداراداکرے گا۔