لاہور: ڈریپ نے کھانسی کے دو سیرپ سمیت 4 ادویات کو مضر صحت قرار دیتے ہوئے متاثرہ بیچز کی فروخت پر پابندی عائد کردی۔
تفصیلات کے مطابق پنجاب میں غیر معیاری اور مضر صحت ادویات کی فروخت کا انکشاف سامنے آیا۔
ڈرگ ٹیسٹنگ لیب نے 4 ادویات کے 4 بیچز اور 2 ادویات کے 8 بیچز مضر صحت قرار دیے، غیرمعیاری ادویات میں اینٹی بائیوٹک، اینٹی الرجک ڈرپ، انجکشن ، وائرل انفیکشن ،اینٹی بائیوٹک آئی ڈراپس شامل ہیں۔
.
الرٹ میں کہا گیا کہ کھانسی کے دو سیرپ کو مضر صحت قرار دیا گیا ہے، ٹوزن ڈی سسپنشن اور ارپس پاؤڈر کا ایک بیچ غیر معیاری ہے.
میٹروان سیرپ اور این ول انجکشن کا ایک بیچ غیر معیاری قرار دیا گیا جبکہ ٹوراکس اور زونڈ سیرپ کے سات بیچز مضر صحت قراردیئے گئے۔
ٹوراکس اور زونڈ سیرپ میں ایتھیلین گلائیکول کی مقدار مقررہ سے زائد ثابت ہوئی، غیر معیاری، مضر صحت ادویات کے متاثرہ بیچز کی فروخت پر پابندی عائد کردی ہے۔
ڈریپ سے غیر معیاری، مضر صحت ادویات کا پراڈکٹ ریکال الرٹ جاری کردیا ہے، پنجاب ڈرگ کنٹرول ڈائریکٹوریٹ نے سیمپلز ٹیسٹنگ لیب بھجوائے تھے۔
