The news is by your side.

’دریشیم 3‘ کے حوالے سے بڑی خبر

’دریشیم 2‘ کی زبردست کامیابی کے بعد ’دریشیم 3‘ کے حوالے سے بھی اہم خبر آ گئی ہے۔

ملیالم اور ہندی زبانوں میں بننے والی مشہور فلم سیریز ’دریشیم‘ کے پروڈیوسر کمار منگت کے آفس سے ایک اور اہم ترین سرگوشی نے سب کو چونکا دیا ہے۔

بتایا جا رہا ہے کہ دریشیم ٹو کی کامیابی کے بعد اب دریشیم تھری بھی بننے جا رہی ہے، اور اس حوالے سے زبردست خبر یہ ہے کہ یہ ہندی اور ملیالم دونوں زبانوں میں ایک ہی دن ریلیز ہوگی۔

خبریں ہیں کہ Viacom 18 کے ساتھ دریشیم تھری کے حقوق پر کوئی جھگڑا نہیں ہے۔

اس فلم کے پہلے دو حصوں میں ملیالم زبان کی فلمیں پہلے ریلیز ہوئی تھیں، لیکن اب کے بار اس کے برعکس ہوگا، اور دونوں ایک ہی تاریخ کو ریلیز ہوں گی، تاکہ ہندی پسند کرنے والے سرکٹ میں سسپنس برقرار رہے۔

واضح رہے کہ اس سلسلے کی پہلی فلم کی ہدایت کاری آنجہانی نشیکانت کامت نے دی تھی، جب کہ دوسرے حصے کی ہدایت کاری کمار منگت کے بیٹے ابھیشیک پاٹھک نے دی ہے۔

بالی ووڈ سپر اسٹار اجے دیوگن یقیناً دریشیم تھری کی کاسٹ میں لیڈ رول کریں گے۔

یہ بھی کہا جا رہا ہے کہ اس کے تیسرے حصے کے بارے میں پہلے ہی سوچا گیا تھا، اب کامیابی کے بعد اس خیال کو مستحکم کر دیا گیا ہے، جلد ہی اس سلسلے میں معاملات طے کیے جائیں گے، اور خوش خبری یہ بھی ہے کہ اس بار فلم آنے میں 7 سال نہیں لگیں گے، واضح رہے کہ پہلی اور دوسری فلم کے درمیان سات سال کا عرصہ تھا۔

Comments

یہ بھی پڑھیں