پاکپتن : 8 سال کے بچے کے قتل میں تایازاد بہن ملوث نکلی، پولیس نے بتایا کہ یتیم بچے کی کفالت ملزمہ کا باپ کرتا تھا ، جو ملزمہ کو برداشت نہ ہوا۔
تفصیلات کے مطابق پاکپتن میں کھیت سے آٹھ سالہ یتیم بچے کی لاش ملنے کے واقعے کا ڈراپ سین ہوگیا، بچےکےقتل میں تایازادبہن ملوث نکلی۔
ڈی پی او پولیس کیپٹن ریٹائرڈ طارق ولایت نےبتایا آٹھ سالہ علی حمزہ کی لاش ملنے کا واقعہ آٹھ اگست کو ملکہ ہانس میں پیش آیا تھا، مقتول یتیم بچے کی کفالت ملزمہ کا باپ کرتاتھا۔
- Advertisement -
تایا زاد بہن سے باپ کا مقتول بچے سے پیار برداشت نہ ہوا اور اُس نے شوہر کی مدد سے بچے کو گلا دبا کرقتل کیا اور لاش کھیت میں پھینک دی۔
پولیس نے ملزمہ کو شک کی بنا پر شاملِ تفتیش کیا تو ملزمہ نے اعترافِ جرم کرلیا۔
