امریکہ میں جہاز کے عملے نے نشے میں دھت ایک جوڑے کو جہاز میں سوار ہونے سے روک دیا۔ جہاز کے عملے نے جوڑے سے کہا کہ آپ کی وجہ سے جہاز میں تمام مسافروں کی سیکورٹی متاثر ہوسکتی ہے۔
بین الاقوامی خبر رساں ادارے کی رپورٹ کے مطابق سوشل میڈیا پر ایک ویڈیو گردش کررہی ہے، جس میں دیکھا جاسکتا ہے کہ ساؤتھ ویسٹ ایئر لائنز کا ایک فلائٹ اٹینڈنٹ ایک جوڑے کو جہاز میں سوار ہونے سے روک رہا ہے۔
فلائٹ اٹینڈنٹ کی شناخت کو ابھی تک ظاہر نہیں کیا گیا ہے، جو نشے میں دھت جوڑے کو مسلسل واپس جانے کی ترغیب دے رہا ہے۔
A flight attendant prevents a couple from boarding the plane pic.twitter.com/RG6lvxZ2pD
— Insane Reality Leaks (@InsaneRealitys) October 3, 2023
سوشل میڈیا پر اس واقعے کی ویڈیو بھی وائرل ہوگئی ہے، جس میں دیکھا جاسکتا ہے کہ فلائٹ اٹینڈنٹ اور مذکورہ جوڑا کافی دیگر تک بحث میں مصروف رہتے ہیں، جبکہ ویڈیو میں دوسرے مسافروں کو ہوائی جہاز میں داخل ہوتے ہوئے دیکھا جاسکتا ہے۔
ویڈیو میں فلائٹ اٹینڈنٹ نشے میں دھت مسافروں سے کہہ رہا ہے کہ آپ چلا رہے ہیں کیونکہ آپ سب کی توجہ حاصل کرنا چاہتے ہیں، جہاز کے سب عملے نے کہا کہ ہم اس بات پر متفق ہیں کہ آپ جہاز میں سفر نہیں کرسکتے۔
واضح رہے کہ مذکورہ جوڑے کی شناخت کو تاحال ظاہر نہیں کیا گیا ہے، اور یہ بھی واضح نہیں ہوا ہے کہ بعد میں اس جوڑے کو کسی قسم کی قانونی چارہ جوئی کا سامنا کرنا پڑا یا نہیں۔
