کراچی : دعا زہرا کے والدین نے سپریم کورٹ میں ایک اور درخواست دائر کردی، جس میں کہا ہے کہ دعا زہرا کو بیرون ملک لیجانے کا خدشہ ہے۔
تفصیلات کے مطابق سپریم کورٹ رجسٹری میں دعا زہرا کے والدین نے ایک اور درخواست دائر کردی ، جس میں کہا ہے کہ دعازہراکم عمرکسی بھی فورم پر انٹرویو دینے سے روکا جائے۔
والدین نے دعازہرا کو بیرون ملک لیجانے کا خدشہ ظاہر کرتے ہوئے استدعا کی کہ دعا زہرا کو باہر جانے سے روکا جائے۔
مزید پڑھیں : دعازہرا کیس، سپریم کورٹ نے والد کی درخواست منظور کر لی
یاد رہے دعا زہرا کے والدین نے سندھ ہائیکورٹ کے فیصلےکوسپریم کورٹ میں چیلنج کر رکھا ہے ، ہائی کورٹ کے فیصلے کو چیلنج کرنے سے متعلق درخواست پر سماعت کل ہوگی۔
والدین نے درخواست میں مؤقف اختیار کیا تھا کہ سندھ ہائی کورٹ نے 8 جون کو دعا زہرا کو اس کی مرضی سے فیصلہ کرنے کا حکم دیا تھا، دعا زہرا کے بیان اور میڈیکل ٹیسٹ کی بنیاد پرفیصلہ سنادیا ہے۔
دعا زہرا کے والد کا کہنا تھا کہ میڈیکل رپورٹ میں دعازہراکی عمر17سال بتائی گئی ہے تاہم نادرا ریکارڈ اور تعلیمی اسناد کے مطابق دعا زہرا کی عمر 14سال ہے۔
درخواست میں مزید کہا گیا تھا کہ پولیس نے کیس کاچالان سی کلاس میں ٹرائل کورٹ میں جمع کرا دیا ہے۔ درخواست گزار کی جانب سے فوری سماعت کی بھی درخواست دائر کردی گئی ، جس کے بعد آئندہ ہفتے درخواست کی سماعت متوقع ہے۔
خیال رہے 8جون کو سندھ ہائیکورٹ نے دعا زہرا کیس کا محفوظ فیصلہ سناتے ہوئے دعا زہرا کو اپنی مرضی سے فیصلہ کرنے کی اجازت دے دی تھی۔
