دبئی : دبئی میں دنیا کی بلندترین عمارتوں بعد ایک اور شاہکار عمارت تعمیر کی جارہی ہے، یہ عمارت اپنے منفرد ڈیزائن کے حوالے سے مشہور ہیں، فلک بوس ٹو ئن ٹاورز قابل دیدہوں گے، اسے دیکھنے کے لیے دنیا آئے گی۔
تفصیلات کے مطابق دبئی تجارتی و تفریحی سرگرمیوں میں دنیا بھر کے شہروں میں اہمیت کا حامل ہیں، یہاں سارا سال سیاحوں کی بڑی تعداد آتی ہیں، جس کے باعث دبئی میں نہ صرف جدید ترین سہولیات دستیاب ہیں بلکہ انوکھی عمارتیں بھی تعمیر کی جا رہی ہیں۔
دبئی میں جلد ایک خوبصورت فلک بوس عمارت کا اضافہ ہونے جارہا ہے ، دنیا کے سب سے بلند ٹوئن ٹاورز جس کو ‘ون زعبیل’ کا نام دیا گیا ہے ، انگریزی حرف ’ایچ‘ کی شکل میں دبئی کمرشل زون کے اوپر تعمیر ہوگا اور اس پر ایک ارب ڈالر لاگت آئے گی۔
ون زعبیل کو جاپان کی معروف کمپنی ’نیکین سکی‘ نے ڈیزائن کیا ہے، اس کے ایک ٹاور کی اونچائی 300 میٹر اور دوسرے کی 235 میٹر ہوگی اور دونوں کو 228 میٹر لمبے فولادی پل سے جوڑا جائے گا۔
ٹوئن ٹاورز کو جوڑنے والے پل کو ’دی لنک‘ کا نام دیا گیا ہے، جو 360 کے زاویے سے ناظرین کو خوبصورت مناظر دیکھنے کا موقع مہیا کرے گا جبکہ ٹوئن ٹاورز کی تعمیر کا کام پروگرام کے مطابق 2021 کے موسم سرما میں مکمل ہوجائے گا۔
ایثرا دبئی کمپنی ‘ کے ترجمان نے امید ظاہر کی کہ ٹوئن ٹاورز دبئی میں قابل دیدہوں گے اور شاپنگ سینٹرز، اعلیٰ درجے کے ہوٹلز اور تفریحی مراکز کا مجموعہ ہوگا ، جسے دیکھنے کے لیے دنیا آئے گی۔
خیال رہے ’ون زعبیل ‘ پروجیکٹ کے ڈیزائن کو کئی انعامات مل چکے ہیں، سال 2019 میں تعمیرات کے میدان میں جدت طرازی ایوارڈ کے تحت اسے بہترین ڈیزائن کا ایوارڈ بھی مل چکا ہے۔
