The news is by your side.

Advertisement

دبئی‘ ٹریفک قوانین کی خلاف ورزی کرنے پر 1200 گاڑیاں ضبط

دبئی : متحدہ عرب امارات کے حکام نے نیا قانون متعارف کروادیا، جس کے تحت ٹریفک قوانین کی خلاف ورزی کرنے والی گاڑیوں کو ضبط کرکے مالک کے گھر کے باہر کی کھڑا کردیا جائے گا.

تفصیلات کے مطابق متحدہ عرب امارات کے شہر دبئی میں سیکیورٹی حکام نے نئے قوانین کے تحت گذشتہ سال نومبر سے اب تک بارہ سو گاڑیاں ضبط کرلی۔

غیر ملکی خبر رساں ادارے کا کہنا تھا کہ دبئی میں لاگو ہونے والے نئے قانون کے تحت ان گاڑیوں کو ضبط کیا جائے گا جو ٹریفک قوانین کی سخت خلاف ورزیوں میں ملوث ہوں گی۔

غیر ملکی میڈیا کا کہنا تھا کہ دبئی میں لاگو کیے گئے نئے قانون کے ذریعے ضبط کی گئی گاڑیوں میں جی پی ایس سسٹم لگاکر مالک کے گھر کے باہر ہی کھڑی کی جائے گی لیکن گاڑی چلانے کی اجازت نہیں ہوگی۔


پارکنگ خلاف ورزیوں کی نشاندہی کے لیے دبئی میں نیا سسٹم متعارف


دبئی پولیس کے ترجمان کیپٹن احمد محمد بن فہد کا کہنا تھا کہ ٹریفک قوانین کی خلاف ورزی کی صورت میں گاڑیوں کو ضبط کرکے مالک کے گھر کے باہر ہی کھڑا کیا جائے گا، گاڑی چلانے کی صورت میں ضبطگی کے دورانیے کو مزید بڑھا دیا جائے گا۔


ابو ظہبی، ڈرائیونگ کے دوران کچرا پھینکنے والوں کی شامت، پولیس کا بڑا ایکشن


ان کا مزید کہنا تھا کہ دبئی حکام کی جانب سے مذکورہ قانون اس لیے متعارف کروایا گیا ہے تاکہ شہری اپنی ضبط کی گئی گاڑیوں کو بھی اچھی حالت میں رکھ سکیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں