دبئی : اماراتی حکام کا کہنا ہے کہ الیکٹرک اسکوٹرز شاہراہوں پر چلانے کےلیے موٹر سائیکل کے زمرے میں شامل کرکے لائسنس جاری کرنے ہوں گے، بغیر لائسنس سٹرکوں پر برقی اسکوٹر چلانے پر پابندی ہوگی۔
تفصیلات کے مطابق متحدہ عرب امارات کی روڈ اینڈ ٹرانسپورٹ اتھارٹی (آڑ ٹی اے) نے دبئی کی شاہراہوں پر برقی اسکوٹرز چلانے پر پابندی عائد کردی تاہم گلی محلوں میں الیکٹرک اسکوٹر چلانے پر کوئی پابندی نہیں ہوگی۔
آر ٹی اے حکام کا کہنا تھا کہ متعلقہ حکام الیکٹرک اسکوٹرز سے متعلق نئے قوانین وضح کرنے پر غور کررہے ہیں، بشمول برقی اسکوٹرز کو موٹرسائیکل کی کیٹگری میں شامل کرکے لائسنس جاری کرنے پر بھی غور کیا جارہا ہے‘۔
آر ٹی اے کے ڈائریکٹر لائسنس ایجنسی موسیٰ الریئسی کا کہنا تھا کہ جب تک برقی اسکوٹرز کےلیے لائسنس جاری نہیں کیے جاتے اس وقت تک انہیں شاہراہوں پر چلانا غیر قانونی ہوگا لیکن الیکٹرک اسکوٹرز کو علاقوں کے اندر اور پارکس میں چلایا جا سکتا ہے۔
آر ٹی اے کے چیئرمین اور ڈائریکٹر مٹر الطیار نے مذکورہ اسکوٹر پابندی عائد کرنے سے متعلق الیکٹرک اسکوٹرز تیار کرنے والی کمپنی کے سربراہان سے ملاقات کی اور انہیں حکومتی اقدامات سے آگاہ کیا۔
مٹر الطیار کا کمپنی سربراہان سے کہنا تھا کہ جب تک متعلقہ حکام الیکٹرک اسکوٹرز سے متعلق نئے قوانین وضح نہیں کرلیتی اس وقت تک مذکورہ ادارے برقی اسکوٹر کی تیاری رُوک دیں۔
اماراتی خبر رساں ادارے کے مطابق الیکٹرک اسکوٹر تیار کرنے والی معروف کمپنی کا کہنا ہے کہ برقی اسکوٹرز پر پابندی ’غیر ذمہ دارانہ ڈائیورنگ کرنے والے افراد کی وجہ سے لگ رہی ہے‘۔
