The news is by your side.

درآمدی یوریا :حکومت نے 50 کلو تھیلے کے ریٹ مقرر کردیے

اسلام آباد : وفاقی کابینہ کی اقتصادی رابطہ کمیٹی نے درآمدی یوریا کی 50 کلوگرام تھیلا کی ڈیلرٹرانسفر پرائس 2150روپے اور انسیڈینٹل اخراجات 620.47 روپے صوبوں کے ساتھ آدھی آدھی ساجھے داری کی بنیاد پر مقرر کرنے کی منظوری دے دی ہے۔

تفصیلات کے مطابق وفاقی کابینہ کی اقتصادی رابطہ کمیٹی کا اجلاس گزشتہ روز وفاقی وزیرخزانہ و محصولات اسحاق ڈارکی زیرصدارت اسلام آباد میں منعقد ہوا۔

اجلاس میں وزیر تجارت سید نوید قمر، وزیر مملکت برائے خزانہ و محصولات ڈاکٹرعائشہ غوث پاشا، وزیر مملکت پٹرولیم مصدق مسعود ملک، وزیراعظم کے معاون خصوصی ڈاکٹر محمد جہانزیب خان، وزیراعظم کے رابطہ کار برائے معیشت بلال اظہر کیانی، رابطہ کار برائے صنعت و تجارت رانا احسان افضل، گورنر اسٹیٹ بینک، وفاقی سیکرٹریز اور دیگر سینئرافسران نے شرکت کی۔

وزارت صنعت و پیداوار کی سمری پر تفصیلی مباحثہ کے بعد ای سی سی نے درآمدی یوریا کی 50 کلوگرام تھیلہ کی ڈیلر ٹرانسفرپرائس 2150 روپے اور انسیڈینٹل اخراجات 620.47 روپے صوبوں کے ساتھ آدھی آدھی ساجھے داری کی بنیاد پر مقررکرنے کی منظوری دی۔

پیٹرولیم ڈویژن کی سمری پرای سی سی نے میسرزز اویر پٹرولیم کارپوریشن پرائیوٹ لمیٹڈ کی بنوں ویسٹ بلاک میں 10فیصد ورکنگ انٹرسٹ میسرز اورینٹ پٹرولیم کو دینے کی منظوری دی گئی۔

وزارت پٹرولیم کی ایک اورسمری پر ای سی سی نے زمزمہ ڈی اینڈ پی ایل کی پیداواری لیزمیں دوپریل 2022سے مزید 5 سالوں کی توسیع کی منظوری دی گئی۔

وزارت پیٹرولئیم کی سمری پرای سی سی نے 18 ایکسپلوریشن لائسنسز کی ویلیڈیٹی کی مدت میں توسیع کی منظوری بھی دی۔ ٹیرف کومعقول بنانے کے ضمن میں پاورڈویژن کی ایک سمری پرای سی سی نے تین ماہ کیلئے کے الیکٹرک کیلئے 0.5087 روپے فی یونٹ ایڈجسٹمنٹ کی منظوری دیدی۔

وزارت تجارت کی سمری پرای سی سی نے پابندی کے بعدپاکستان پہنچنے والے کنسائنمنٹس کی مشروط ریلیز کی منظوری بھی دی۔

اجلاس میں وزارت ہاوسنگ اینڈورکس کیلئے 2000 ملین روپے کی تکنیکی ضمنی گرانٹ کی منظوری دی گئی،اجلاس میں وزارت قومی غذائی تحفظ، وزارت پٹرولیم اوروزارت انفارمیشن ٹیکنالوجی کی پیش کردہ سمریوں کو مؤخر کردیا گیا۔

Comments

یہ بھی پڑھیں