اسلام آباد : الیکشن کمیشن نے این اے 15 مانسہرہ سے مسلم لیگ ن کے قائد نواز شریف کی عذرداری بحال کردی، عذرداری کی سماعت 20 فروری کو ہوگی۔
تفصیلات کے مطابق مسلم لیگ ن کے قائد نواز شریف کی این اے 15 مانسہرہ پر عذرداری کی بحالی کی درخواست پر سماعت ہوئی، ممبر سندھ نثار درانی کی سربراہی میں 3 رکنی کمیشن نے سماعت کی۔
جہانگیر جدون نے کہا کہ میری تاخیر سے آمد پرعذرداری مستردکی گئی،این اے 15 میں ووٹوں کی دوبارہ گنتی نہیں ہوئی، کئی پولنگ اسٹیشنز پر ووٹوں کی گنتی کے بغیر فارم 47 جاری کیا گیا۔
ممبر نثار درانی کا کہنا تھا کہ ریٹرننگ افسرنےاین اے 15 کے رپورٹ جمع کرائی ہے، تمام پولنگ اسٹیشنز کے فارم 45کی بنیاد پر فارم 47 جاری کیا گیا، جس پر جہانگیر جدون نے کہا کہ الیکشن کمیشن موقع دے ثابت کرینگے کئی پولنگ اسٹیشنز کے ووٹ نہیں گنےگئے،ہمارے پاس تمام پولنگ اسٹیشنز کے اوریجنل فارم 45 موجود ہیں۔
الیکشن کمیشن نے این اے 15 مانسہرہ سے نواز شریف کی عذرداری بحال کردی، نواز شریف کی عذرداری کی سماعت 20 فروری کو ہوگی۔
