کراچی: صوبہ سندھ کے اسکول تعلیم کے محکمے میں بڑی تعداد میں آسامیاں خالی ہیں جس کی وجہ سے صوبے میں تعلیمی ایمرجنسی کا فیصلہ ناکام دکھائی دیتا ہے۔
تفصیلات کے مطابق صوبہ سندھ میں محکمہ تعلیم کا تعلیمی ایمرجنسی کا فیصلہ ناکام ہوگیا، اسکول تعلیم کے محکمے میں شدید انتظامی بحران جاری ہے۔
ذرائع کا کہنا ہے کہ محکمے میں 45 فیصد سے زائد اہم اسامیاں خالی ہیں، سیکریٹری سمیت 59 آسامیوں میں سے 27 آسامیاں خالی ہیں۔
محکمے میں صرف 32 افسران تعینات ہیں، 20 گریڈ کے اسپیشل سیکریٹری کی 3 آسامیوں میں سے 1 خالی ہے۔
اسی طرح 18 گریڈ کے ڈپٹی سیکریٹری کی 18 آسامیوں میں سے 9 آسامیاں خالی ہیں۔
17 گریڈ کے 32 سیکشن افسران کی 9 آسامیاں خالی ہیں۔ محکمے کی خالی آسامیوں کی تفصیلات چلب کرلی گئیں۔
