عیدالفطر اور یومِ مزدور کی چھٹی کا نوٹیفکیشن جاری

کراچی: پی آئی اے نے عید الفطر اور یوم مزدور کی تعطیل کا نوٹیفکیشن جاری کر دیا۔

سرکلر کے مطابق پی آئی اے میں 21 تا 25 اپریل تک عیدالفطر کی تعطیل ہوں گی جب کہ یکم مئی کو عالمی یوم مزدور کے تحت عام تعطیل ہوگی۔

سرکلر میں کہا گیا ہے کہ عید کے بعد پی آئی اے کے دفتری اوقات صبح 9 تا شام 5:30 تک ہوں گے۔

گذشتہ روز وفاقی حکومت نے پاکستان میں عیدالفطر کی پانچ روزہ تعطیلات کا اعلان کیا تھا، وزارت داخلہ کی جانب سے جاری بیان کے مطابق عیدالفطر کی تعطیلات 21 اپریل بروز جمعہ سے 25 اپریل بروز منگل تک ہوں گی۔

خیال رہے پاکستان میں عید الفطر 22 اپریل کو ہونے کا امکان ہے، رویت ہلال ریسرچ کونسل نے کہا تھا کہ عیدالفطر 2023 21 اپریل بروز جمعہ کو ہونے کے امکانات بہت کم ہیں کیونکہ نئے چاند کی پیدائش 20 اپریل کی صبح 9 بج کر 13 منٹ پر ہوگی اور اس کی عمر 10 سال سے کم ہوگی۔

Comments