شملا: بھارتی ریاست ہماچل پردیش میں لاپتہ شخص کی جمی ہوئی لاش برآمد ہوئی ہے۔
بھارتی میڈیا رپورٹ کے مطابق ہماچل پردیش کے ضلع کولو سے 60 سالہ بزرگ کی لاش برآمد ہوئی جو دو روز سے لاپتہ تھا۔
پولیس حکام کے مطابق مذکورہ شخص تین فروری کی صبح کام کے سلسلے میں گھر سے نکلا اور پھر واپس نہیں لوٹا، اہل خانہ نے اُسے تلاش کرنے کی کوشش بھی کی۔
پولیس حکام کے مطابق اہل خانہ گمشدگی کے بعد اُسے مسلسل تلاش کررہے تھے مگر کچھ معلوم نہیں ہوپارہا تھا، آج اہل خانہ کو بزرگ کی برف میں جمی ہوئی لاش ملی۔
Himachal Pradesh: An elderly man, aged 60 was found frozen to death in Kullu district. He left his house on Feb 3 did not return. His family members went searching & found him frozen & dead, on Feb 5
Police took custody of the body. It’ll be returned to family after post mortem pic.twitter.com/vIamxGJv4j
— ANI (@ANI) February 6, 2021
پولیس کے مطابق اہل خانہ کے لاش دیکھنے کے بعد پولیس کو طلب کیا، اُن کے ذہن و گمان میں بھی نہیں تھا کہ یہ اُن کے گھر کے فرد کی لاش ہے۔پولیس نے جب اسے اٹھا کر شناخت کی کوشش کی تو وہاں کھڑے ایک شخص نے بزرگ کو پہچانا۔
پولیس نے لاش کو تحویل میں لے کر ضابطے کی کارروائی کے لیے اسپتال منتقل کیا اور پوسٹ مارٹم کے بعد جسد خاکی اہل خانہ کے حوالے کردیا۔ پوسٹ مارٹم رپورٹ آنے کے بعد پولیس نے مزید قانونی کارروائی کا عندیہ دیا ہے۔