اسلام آباد : نادرا کی جانب سے ڈیٹا لیک ہونے کے معاملہ پر الیکشن کمیشن نے نوٹس لیتے ہوئے چیئرمین نادرا کو خط لکھ کر نادرا سے وضاحت طلب کرلی ہے۔
تفصیلات کے مطابق نیشنل ڈیٹا بیس اینڈ رجسٹریشن اتھارٹی (نادرا) کی جانب سے ڈیٹا لیک ہونے کے معاملہ پر الیکشن کمیشن نے نوٹس لیتے ہوئے نادرا سے وضاحت طلب کرلی۔
اس حوالے سے ذرائع کے مطابق الیکشن کمیشن نے چیئرمین نادرا کو خط لکھ کر فراہم کیے گئے ڈیٹا کےبارے میں تفصیلات طلب کیں ہیں۔ الیکشن کمیشن نے ووٹرز کا ڈیٹا لیک کرنے والوں کے خلاف کارروائی کی ہدایت کی ہے۔
خط میں کہا گیا کہ نادرا حکام نے ووٹرز کی معلومات غیر متعلقہ افراد کو فراہم کرکے الیکشن کمیشن کے ساتھ معاہدے کی خلاف ورزی کی، ووٹرز کا ڈیٹا الیکشن کمیشن پہنچنے سے پہلے ہی غیر متعلقہ افراد کے پاس پہنچ گیا۔
دوسری جانب نادرا ذرائع کا کہنا ہے ووٹرز کےحوالے سے کوئی اعداد و شمار فراہم نہیں کیے گئے، مسلم اورغیر مسلم کا صوبے کے حساب سے ڈیٹا فراہم کیا گیا ہے۔
نادرا حکا م کا کہنا ہے کہ اخبارمیں چھپنے والے ڈیٹاسے کسی کوفائدہ نہیں پہنچ سکتا اور نہ ہی نادرا نے ووٹرزکاڈیٹا کسی سیاسی جماعت کونہیں دیاہے۔
علاوہ ازیں پی ٹی آئی کے وکیل بابر اعوان نے الزام عائد کیا تھا کہ نادرا میں کم از کم تین لوگوں نے سیکیورٹی ڈیٹا لیک کیا ہے، عمران خان کی پیشی کےمعاملے پر آئین و قانون کی بات کی۔
ان کا مزید کہنا تھا کہ امیدواروں کےکاغذات نامزدگی پر فیصلے کل تک ہونے ہیں، نوازشریف کے مقدمے میں فوری طور پر فیصلہ سنایاجائے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
