اسلام آباد: الیکشن کمیشن آف پاکستان نے ڈان اخبار کی خبر کی تردید کر دی۔
تفصیلات کے مطابق ڈان اخبار نے الیکشن کمیشن کےحوالے سے خبر لگائی تھی کہ 6 ماہ سے پہلے الیکشن ممکن نہیں، ترجمان ای سی پی نے وضاحتی بیان جاری کر کے کہا ہے کہ الیکشن سے متعلق ان کی طرف سے کوئی بیان جاری نہیں کیا گیا۔
الیکشن کمیشن کے ترجمان نے کہا کہ انتخابات کروانا الیکشن کمیشن کی آئینی ذمہ داری ہے، ہم ہر وقت تیار ہیں، الیکشن کمیشن آئین اور قانون کے مطابق اپنی ذمہ داری پوری کرے گا۔
ترجمان نے مزید کہا کہ الیکشن کمیشن نے الیکشن تیاریوں سے متعلق ہنگامی اجلاس بلایا ہے، جس میں عام انتخابات کے سلسلے میں تیاریوں کا جائزہ لیا جائے گا۔
Comments
- Advertisement -
