امیر جماعت اسلامی کراچی حافظ نعیم الرحمان نے کہا ہے کہ الیکشن کمیشن 11 ملتوی شدہ بلدیاتی نشستوں کے شیڈول کا اعلان کرے۔
الیکشن کمیشن آفس کے باہر احتجاجی مظاہرے سے خطاب کرتے ہوئے حافظ نعیم الرحمان نے کہا کہ الیکشن کمیشن کا فرض بنتا تھا کہ انتخابی عمل کو میرٹ کی بنیاد پر پورا کیا جاتا جماعت اسلامی نےکراچی کےعوام کی ترجمانی کی ہے کوئی بھی جماعت لوکل سطح پر انتخابات نہیں کروانا چاہتی۔
حافظ نعیم نے کہا کہ جماعت اسلامی کے نومنتخب نمائندے شہر کی خدمت شروع کر دیں جماعت اسلامی بلاتفریق رنگ ونسل سب کی خدمت کرے گی ایم کیوایم اب اس پوزیشن میں نہیں ہےکہ وہ دھرنی بھی دے سکے گورنر سندھ کو بلاکر دھرنا ملتوی کرتے رہتے ہیں۔
انہوں نے کہا کہ الیکشن کمیشن 11 ملتوی شدہ بلدیاتی نشستوں کے شیڈول کا اعلان کرے جن نشستوں پر فیصلہ کیا جانا ہے فوری طور پر فیصلہ کیاجائے، الیکشن کمیشن سن لیں آپ کےممبرکراچی کےشہریوں کوہلکا نہ لیں جماعت اسلامی وہ جماعت نہیں ہےجسے چند وزارتیں دے کر چپ کروا دیں اگر ضرورت پڑی تو ہم ٹرین مارچ بھی کریں گے۔
ان کا کہنا تھا کہ کشمکش کا راستہ اور مزاحمت کا راستہ ہی کامیابی کا راستہ ہے آئین اورقانون کےتحت جدوجہدجاری رکھیں گے آج ہم نے علامتی دھرنا دیا ہے الیکشن کمیشن ملتوی شدہ نشستوں کی تاریخ کا اعلان کر دے تو ہم لائحہ عمل کی تاریخ کا اعلان بھی کر دیں گے۔
