ایمرجنگ ایشیا کپ فائنل آج کھیلا جائے گا کرکٹ کی دو سپر طاقتیں پاکستان اور بھارت ٹرافی کے لیے کولمبو میں ٹکرائیں گی۔
اے آر وائی نیوز کے مطابق چھوٹوں کا بڑا مقابلہ پاک بھارت ٹاکرے میں ہوگا۔ ایمرجنگ ایشیا کپ کا فائنل میں آج روایتی حریفوں پاکستان اور بھارت کے درمیان کھیلا جائے گا۔ دونوں ٹیمیں دوپہر ڈیڑھ بجے مدمقابل آئیں گی۔ آخری معرکے سے قبل پاک بھارت کپتانوں کا ٹرافی کے ساتھ فوٹو شوٹ ہوا۔
پاکستان اپنے اعزاز کے دفاع کا عزم لیے میدان میں اترے گا تو بھارت کی ٹیم 2013 کے بعد ٹرافی اٹھانے کی کوشش کرے گی۔
- Advertisement -
اس سے قبل سیمی فائنل میں شاہینز نے میزبان سری لنکا کو چت کیا تھا جب کہ بھارتی ٹیم موجودہ ایونٹ میں ناقابل شکست ہے جس نے راؤنڈ کے تمام میچز جیتنے کے ساتھ سیمی فائنل میں بنگلہ دیش کو ہرایا تھا۔
