پاکستان سپر لیگ کی آسٹریلیا سے تعلق رکھنے والی پریزینٹر ایرن ہالینڈ نے فراغت کے لمحات لاہور کے تاریخی مقامات کے سیر سپاٹے کرتے گزارے۔
اے آر وائی نیوز کے مطابق پاکستان سپر لیگ میں آسٹریلیا سے تعلق رکھنے والی پریزینٹر ایرن ہالینڈ نے پی ایس ایل کے پلے آف مرحلے کے دوران ملنے والے فراغت کے لمحات کی مصروفیات ڈھونڈ لی اور ان لمحوں کو لاہور کے تاریخی مقامات کے سیر سپاٹے کرکے یادگار بنا لیا۔
ایرن ہالینڈ نے مغل دور کی یادگار بادشاہی مسجد، دہلی دروازہ ، اندرون لاہور میں انارکلی مارکیٹ ودیگر علاقوں کا دورہ کیا۔
Exploring the Andaroon #Lahore today.. pic.twitter.com/9Y00C72ZP5
— Erin Holland (@erinvholland) March 14, 2023
پی ایس ایل پریزینٹر نے اپنے دورہ لاہور کی یہ تصاویر ٹوئٹر پر اپنے اکاؤنٹ پر شیئر کیں اور لکھا کچھ چیزیں آپ کو سوچنے پر مجبورکرتی ہیں اور بادشاہی مسجد ان میں سے ایک ہے۔
Some places just make you feel things… Baadshahi Mosque is one of them… 🕌 pic.twitter.com/cwRzrFFlpU
— Erin Holland (@erinvholland) March 14, 2023
ایرن نے کمنٹیٹر ڈیرن گنگا کے ساتھ گریٹر اقبال پارک میں رکشے کی سواری بھی کی اور سورج غروب ہونے کا منظر بھی عکس بند کیا۔
واضح رہے کہ ایرن ہالینڈ کی گزشتہ روز اردو بولنے، گنتی گننے اور گانا گنگنانے کی ویڈیو سوشل میڈیا پر وائرل ہوئی تھی جس کو صارفین نے بے حد سراہا تھا۔
