پی ایس ایل کی پریزینٹر ایرن ہالینڈ نے عروج ممتاز کو اپنا اردو کا استاد بنا لیا۔
پی ایس ایل 8 میں ایرن ہالینڈ اور عروج ممتاز پریزینٹر کے فرائض انجام دے رہی ہیں، ایرن سوشل میڈیا پر میچ کے دوران دلچسپ ویڈیوز شیئر کرتی رہتی ہیں۔
ایرن ہالینڈ نے عروج ممتاز سے اردو میں گنتی سیکھنے اور گانا گانے کی ویڈیو شیئر کی ہے جسے مداحوں کی جانب سے خوب سراہا جارہا ہے۔
ویڈیو میں آسٹریلوی ماڈل ’ایک سے دس تک گنتی سنا رہی ہیں۔ ایرن ایک گانا ’دیکھو بارش ہورہی ہے۔‘ بھی گنگنا رہی ہیں۔
There’s more to come…. Stay tuned @thePSLt20 #HBLPSL #HBLPSL8 https://t.co/tm7ntNGz3N
— Urooj Mumtaz Khan (@uroojmumtazkhan) March 15, 2023
اس سے قبل ایک ویڈیو میں ایک شخص کی جانب سے ایرن سے پوچھا گیا کہ آپ نے ملتان کیلئے اردو میں کون سے الفاظ سیکھے ؟جس کے جواب میں ایرن کا کہنا تھا کہ ‘ملتان مجھے بہت سوہنا لگدا ہے’۔
حال ہی میں ایرن نے اپنی ایک ویڈیو ٹک ٹاک اکاؤنٹ پر شیئر کی تھی جس میں انہوں نے پہلی بار ملتان آنے پر خوشی کا اظہار کیا تھا۔
