The news is by your side.

Advertisement

یورپی یونین نے فلپائن کے لیے 20 لاکھ یورو امداد کا اعلان کردیا

برسلز : یورپی یونین نے مینگ کھٹ نامی طوفان کی زد میں آنے والے فلپائن کی امداد کے لیے 20 لاکھ یورو کی امدادی رقم کا اعلان کردیا۔

تفصیلات کے مطابق یورپی یونین نے منگل کے روز خطرناک سمندری طوفان ’مینگ کھٹ‘ کی تباہ کاریوں کا ازالہ کرنے اور متاثرین کی امداد کے لیے ہنگامی طور پر 20 لاکھ یورو کی رقم دینے کا اعلان کیا ہے۔

غیر ملکی خبر رساں ادارے کا کہنا ہے کہ فلپائن کے سیلاب متاثرین کی امداد کے لیے دی جانے والی رقم انسانیت کے تحت یورپی یونین کی سماجی خدمات انجام دینے والی تنظیم کے ذریعے دی جائے گی جو پہلے سے متاثرہ علاقوں میں متاثرین کو ریسکیوں کررہی ہے۔

یورپی یونین کے کمشنر کریسٹوس اسٹائیلنڈیز برائے انسانی امداد اور ہنگامی صورتحال کا کہنا ہے کہ مینگ کھٹ نامی سمندر طوفان سے متاثر فلپائن کی ضروریات پوری کرنے کے لیے یورپی یونین مزید تعاون کے لیے بھی تیار ہے۔

ان کا کہنا تھا کہ ہماری امداد سیلاب متاثرین کو سر چھپانے کے لیے چھت، ہنگامی صورتحال میں استعمال کی جانے والی اشیاء کھانا اور پانی اور بھی فراہم کیا گیا ہے۔

غیر ملکی خبر رساں ادارے کا کہنا ہے کہ یورپی کمیشن نے سیٹلائٹ نقشے کی مدد سے سیلاب کی تباہ کاریوں کا نشانہ بننے والے علاقوں میں ریسکیو اہکار بھیجے تھے تاکہ متاثرین کی امداد کی جائے۔

خیال رہے کہ فلپائن میں آنے والے سمندری طوفان کے باعث منگل روز ہلاکتوں کی تعداد 74 ہوگئی تھی جبکہ فلپائن کی ہنگامی خدمات انجام دینے والی ٹیمیں لاپتہ ہونے والے درجنوں افراد کو تلاش کررہی ہے۔

یاد رہے کہ مینگ کھٹ نامی طوفان نے فلپائن میں تباہی مچانے کے بعد ہانگ کانگ کا رخ کرلیا تھا، مینگ کھٹ نے ہانگ کانگ سمیت جنوبی چین میں بھی تباہی مچائی تھی، طوفان کے باعث دو افراد ہلاک جبکہ سیکڑوں زخمی ہوئے تھے۔

Comments

comments

یہ بھی پڑھیں