میڈرڈ: یورپین کرکٹ لیگ میں رومانیہ کے بولر کے منفرد ایکشن کا مذاق بن گیا، جادوئی اسپنر شین وارن نے پاویل کا دفاع کیا ان کو مدد کی بھی پیش کش کردی۔
تفصیلات کے مطابق کرکٹ میں منفرد بولنگ ایکشن متعدد بار سامنے آئے ہیں جن میں سری لنکا کے لیستھ ملنگا، جنوبی افریقہ کے پال ایڈمز، اور سری لنکا کے ہی مرلی دھرن کے ایکشن نمایاں ہیں۔
اب یورپی کرکٹ لیگ میں رومانیہ کے بولر کے منفرد ایکشن نے ان کا مذاق بنوادیا، رومانیہ کے کھلاڑی کی شائقین کرکٹ کے علاوہ بلے باز نے بھی خوب درگت بنائی۔
فلورین پاویل کا کہنا ہے کہ میرا بولنگ ایکشن اور بولنگ اچھی نہیں پر مجھے کرکٹ سے محبت ہے اس لیے مذاق بننے کی پرواہ کیے بغیر بولنگ جاری رکھی۔
Ladies and gentlemen … welcome to the #EuropeanCricketLeague
🤷🤷🤷 pic.twitter.com/ctrhyJvs4b
— Fox Cricket (@FoxCricket) July 30, 2019
فلورین پاویل کسی فرم میں باڈی گارڈ کی ملازمت کرتے ہیں اور فارغ اوقات میں کلج کرکٹ کلب سے کرکٹ کھیلتے ہوئے اپنا شوق پورا کرتے ہیں۔
چالیس سالہ آل راؤنڈر پاویل فلورین نے یورپین کرکٹ لیگ میں ایک اوور کیا اور 13 رنز دئیے ہیں۔
انہوں نے کہا کہ مئی میں کھیلے جانے والے ایک میچ میں انہوں نے تین اوور کے اسپیل میں 36 رنز کے دے کر دو وکٹیں حاصل کی تھیں۔
پاویل فلورین کی دو اور میچز میں بولنگ اور بیٹنگ نہیں آئی اور ان کی ٹیم کو ٹورنامنٹ کے تین میچز میں شکست کا سامنا کرنا پڑا۔
کرکٹر کا کہنا تھا کہ ہم لیگ کے تین میچز ہار چکے ہیں لیکن ہمارے حوصلے بلند ہیں اور ہمیں اس لیگ سے بہت کچھ سیکھنے کو ملا ہے۔
