The news is by your side.

Advertisement

سابق ڈی جی پارکس لیاقت قائم خانی اسلام آباد منتقل، آج نیب عدالت میں پیش کیا جائے گا

کراچی : جعلی اکاونٹس کیس میں گرفتار سابق ڈی جی پارکس لیاقت قائم خانی کو اسلام آباد منتقل کردیا گیا، ملزم سے مزید تحقیقات راولپنڈی میں ہوگی نیب آج ملزم کو احتساب عدالت میں پیش کرکے ریمانڈ لے گا۔

تفصیلات کے مطابق قومی احتساب بیورو راولپنڈی کے حکام جعلی اکاؤئنٹس کیس میں گرفتار میئر کراچی کے مشیر اور سابق ڈی جی پارکس لیاقت قائم خانی کو اسلام آباد لے گئے۔

لیاقت قائم خانی سے مزید تحقیقات راولپنڈی میں ہوگی، نیب آج ملزم لیاقت قائم خانی کو احتساب عدالت میں پیش کرکے ریمانڈ لے گا۔

اس حوالے سے نیب ذرائع کا کہنا ہے کہ نیب راولپنڈی حکام اہم دستاویزات بھی ساتھ لے کرروانہ ہوئے ہیں جن میں پراپرٹیز کی فائلیں، گاڑیوں کی دستاویزات اور دیگر اہم ثبوت بھی ہمراہ ہیں۔

مزید پڑھیں: وزیر اطلاعات سندھ کا لیاقت قائم خانی سے متعلق نیب کا موقف ماننے سے انکار

اس کے علاوہ کے ایم سی کی فائلیں اور جعلی اکاؤنٹس میں رقوم منتقلی سمیت اہم ریکارڈ شامل ہے، ذرائع کا مزید کہنا ہے کہ اہم دستاویزات سمیت ملزم کی مختلف سیاسی شخصیات سے تعلقات اور تصاویر اور کے ایم سی کے ٹھیکیداروں سمیت گاڑیوں کی خریدوفروخت کی بینک دستاویز بھی شامل ہیں۔

Comments

comments

یہ بھی پڑھیں