کراچی : بجلی کے بلوں میں ہوشربا اضافے کے بعد اہلیان کراچی کے درعمل کے جواب میں ترجمان کےالیکٹرک نے وضاحتی بیان جاری کردیا۔
سماجی رابطے کی ویب سائٹ ایکس (سابقہ ٹوئٹر) پر اپنے پیغام میں ترجمان کےالیکٹرک عمران رانا نے کہا کہ ہم عوام کا غصہ سمجھتے ہیں لیکن جس چیز کا ہمیں اختیار نہیں اس کا ریلیف کیسے دے سکتے ہیں؟
انہوں نے کہا کہ تقسیم کار کمپنیاں اور کےالیکٹرک بجلی کے نرخ تعین کرنے کا اختیار نہیں رکھتے کیونکہ بجلی کا نظام بشمول کے الیکٹرک ریگولیٹڈ ماحول میں کام کرتا ہے، بجلی بڑھتی قیمت سے ادارے کو منافع نہیں ہوتا۔
عوام کا غصہ سمجھتے ہیں لیکن جس چیز کا اختیار نہیں اسکا ریلیف کیسے دے سکتے ہیں؟ تقسیم کارکمپنیز اور کےالیکٹرک بجلی کے نرخ تعین کرنے کا اختیار نہیں رکھتے، کیونکہ بجلی نظام بشمول کے الیکٹرک ریگولیٹڈ ماحول میں کام کرتا ہے۔ بڑھتی قیمت سے ادارے کو منافع نہیں ہوتا۔ ترجمان کےالیکٹرک pic.twitter.com/IdazNNmKjg
— Imran Rana, Spokesperson, K-Electric (@imranrana21) September 1, 2023
ترجمان کےالیکٹرک کا کہنا ہے کہ وفاق کے ٹیرف کے حوالے سے فیصلے پر عمل درآمد کے پابند ہیں، اگر حکومتی سطح پر کوئی ریلیف کا اعلان ہوا تو ہمیں اس پر کوئی اعتراض نہیں۔
