The news is by your side.

Advertisement

عمرہ زائرین کے سعودی عرب جانے پر پابندی میں توسیع

کراچی: کرونا وائرس کے پیش نظر عمرہ زائرین کے سعودی عرب جانے پر پابندی میں 31مارچ تک توسیع کر دی گئی۔

تفصیلات کے مطابق سعودی ائیرلائن نے 31 مارچ تک عمرہ زائرین اور آن لائن ٹورسٹ ویزے کے حامل سفر کرنے پر پابندی بر قرار رکھنے کا سرکلر جاری کردیا ہے۔

حکمنامہ میں سعودی ائیرلائن نے کراچی، لاہور، اسلام آباد سمیت ملک کے تمام ائیرپورٹ کے اسٹیشن مینجرز کو آگاہ کرتے ہوئے کہا ہے کہ 31 مارچ تک عمرہ زائرین کی تمام ٹکٹیں منسوخ کر دی جائیں۔

حکمنامہ کے مطابق ملک تمام ائیرپورٹس سے سعودی ائیر لائن سے عمرہ زائرین سفر نہیں کر سکیں گئے تاہم اقامہ ہولڈر، بزنس اور فیملی وزٹ ویزے کے حامل مسافر سفر کرنے کے اہل ہوں گے۔

مسافروں کی منسوخ شدہ ٹکٹوں کی ری فنڈنگ کے لیے سعودی ائیرلائن سیلز سپورٹ سینٹر سے رابطہ کیا جائے۔

واضح رہے کہ وزارتِ حج و عمرہ نے اتوار کے روز اعلان کیا ہے کہ ’جن زائرین نے ویزہ فیس اور عمرہ پیکج کی رقم ادا کردی تھی وہ اپنی رقم واپس لے سکتے ہیں‘۔ وزارت کی جانب سے ایک بار پھر وضاحت کی گئی ہے کہ عمرہ ویزوں کے اجرا پر پابندی کرونا کے خدشات کے پیش نظر لگائی گئی جو کہ عارضی ہے۔

سرکاری اعلامیے میں زائرین کو ہدایت کی گئی کہ وہ فیسوں کی واپسی کے لیے اپنے ملک کے مقامی ایجنٹوں سے رجوع کردیں، اس حوالے سے تمام ایجنٹس کو ہدایات جاری کردی گئی ہیں۔

یاد رہے کہ سعودی عرب نے 27 فروری کو ملک میں کرونا وائرس کے پھیلاؤ کے خدشے کے باعث عمرے یا مسجد نبوی کی زیارت کے لیے آنے والے افراد کا داخلہ عارضی طور پر بند کرنے کا اعلان کیا تھا۔

fb-share-icon0
Tweet 20

Comments

comments

یہ بھی پڑھیں