سینیٹر فیصل واوڈا کی پریس کانفرنس پر پی ٹی آئی رہنما شوکت بسرا نے ردعمل دیتے ہوئے انکشاف کیا ہے کہ ان کے دو مقاصد ہیں۔
تفصیلات کے مطابق پاکستان تحریک انصاف کے رہنما کا کہنا تھا کہ فیصل واوڈا کی آج کی پریس کانفرنس کے دو مقاصد ہیں، ایک مقصد تو یہ ہے کہ قوم کو بتانا القادر ٹرسٹ کیس میں بانی پی ٹی آئی کو سزا دینے کا فیصلہ کرلیا گیا ہے۔
پی ٹی آئی رہنما شوکت بسرا نے کہا کہ دوسرا مقصد بانی کو 20 جنوری سے پہلے اڈیالہ سے زبردستی بنی گالہ منتقل کرنا ہے، بنی گالہ کو سب جیل قرار دیا جائےگا۔
خیال رہے کہ سینیٹر فیصل واوڈا نے کہا ہے کہ بانی پی ٹی آئی کو 190 ملین پاؤنڈ کیس میں سزا ضرور ہو گی، بانی نے دستخط کیے تھے، کسی نے یہ کروایا تو اب کوئی نہیں مانے گا۔
’بانی پی ٹی آئی کو 190 ملین پاؤنڈ کیس میں سزا ضرور ہو گی‘
کراچی پریس کلب میں پریس کانفرنس کرتے ہوئے فیصل کا کہنا تھا کہ ڈھائی سال سے بانی کو پارٹی میں جیل سے لے کر مروانے تک کی پلاننگ ہوئی۔
پی ٹی آئی رہنما خود ہی بانی کیخلاف سازش میں مصروف ہیں بانی پی ٹی آئی کو کہتا رہا ان حواریوں کی بات نہ مانیں آج پی ٹی آئی والے اقتدار کے مزے لے رہے ہیں۔
فیصل واوڈا نے کہا کہ جب 190 ملین پاؤنڈ کی اپروول ہوئی اس وقت میں وفاقی وزیر تھا بانی کو کہا تھا یہ نہ کریں نیب کا کیس بنے گا آپ کو جیل ہوگی،اب گل مُک گئی ہے بانی پی ٹی آئی کو سزا ضرور ہونی ہے۔
