فیصل آباد: پنجاب میں ہولناک ٹریفک حادثے کے نتیجے میں 3 افراد جاں بحق ہوگئے۔
تفصیلات کے مطابق یہ خطرناک حادثہ پنجاب کے شہر فیصل آباد میں پیش آیا، جس کے باعث تین افراد زندگی کی بازی ہار گئے۔
ریسکیو حکام کا کہنا ہے کہ فیصل آباد کے علاقے بھائی والا پھاٹک کے قریب گاڑی کھمبے سے ٹکرا گئی، جس کے باعث 3 افراد کی اموات ہوئیں۔
جائے وقوعہ پر ریسکیو اہلکاروں نے فوری آپریشن کرتے ہوئے جاں بحق ہونے والوں کو اسپتال منتقل کردیا، جبکہ پولیس نے تحقیقات شروع کردی ہے۔
ابتدائی اطلاعات کے مطابق حادثہ گاڑی کی تیز رفتاری اور ڈرائیور کی ٖغفلت کے باعث پیش آیا، پولیس نے تحقیقات شروع کردی ہے جلد حقائق سامنے آجائیں گے۔
خیال رہے کہ دو روز قبل پنجاب کے جنوبی شہر کوٹ مٹھن میں ٹریفک حادثے میں دو افراد موقع پر ہی جاں بحق جبکہ 15 زخمی ہوگئے تھے۔
پنجاب: ہولناک ٹریفک حادثہ، 2 افراد جاں بحق، پندرہ زخمی
یاد رہے کہ گذشتہ دنوں پنجاب کے شہر سیالکوٹ کی تحصیل پسرور میں ہولناک ٹریفک حادثے نے 2 دو افراد کی جانیں لے لی تھیں۔
واضح رہے کہ گذشتہ برس نومبر میں سندھ کے ضلع دادو میں ہولناک ٹریفک حادثے نے دو افراد کی جانیں لے لی تھیں، جبکہ چار شدید زخمی بھی ہوئے تھے۔
