The news is by your side.

Advertisement

فیصل آباد اورہری پورمیں قتل کی ہولناک وارداتیں، 8افراد جاں بحق

فیصل آباد / ہری پور : فیصل آباد میں نوجوان نے باپ بھابھی بھتیجے اور بھیتجی کو قتل کردیا، خانپور میں شوہر نے بیوی اور تین بیٹیوں کو موت کی نیند سلا دیا۔

تفصیلات کے مطابق فیصل آباد میں نوجوان نے گھریلو جھگڑے کے بعد مشتعل ہوکر فائرنگ کرکے باپ، بھابی، کمسن بھتیجے اور بھتیجی کو موت کی نیند سلادیا۔

پولیس کے مطابق بھابی کو طلاق نہ دینے کی رنجش پر ملزم خون کی ہولی کھیل کر فرار ہوگیا، دس سالہ اقصٰی سمیت دو افراد زخمی ہو گئے جنیہں اسپتال منتقل کر دیا گیا ہے، ملزم کی گرفتاری کے لئے چھاپے مارے جا رہے ہیں۔

دوسری جانب ہری پورکے علاقے خانپور میں ماں اور تین بیٹیوں کو ہاتھ پاؤں باندھ کر بے دردی سے قتل کردیا گیا، ابتدائی پوسٹ مارٹم رپورٹ کے مطابق متوفیان کو زہریلی چیز کھلانے کے بعد گلا دبا کرقتل کیا گیا۔

پولیس نے قتل کا شبہ گھر کے سربراہ پر ظاہر کیا ہے، پولیس کے مطابق مقتولہ کا شوہر شفاقت مختلف مقدمات میں مطلوب اور عرصہ دراز سے روپوش ہے، قاتل کی گرفتاری کیلئے خصوصی ٹیمیں تشکیل دی گئی ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔  

Comments

comments

یہ بھی پڑھیں