فیصل آباد : تین کروڑ تاوان کیلئے اغوا کئے گئے طالب علم کو بازیاب کراکر 2 ملزمان کو گرفتار کرلیا گیا۔
تفصیلات کے مطابق پولیس نے فیصل آباد میں نیو مدینہ ٹاؤن سے اغوا ہونے والے طالب علم کو بازیاب کرکے دو ملزمان کو گرفتار کرلیا گیا۔
پولیس نے بتایا کہ ایان کو رشتہ دار خاتون سلمیٰ نواز نے اغوا کروایا تھا۔
پندرہ سالہ ایان موٹر سائیکل پر دو بہنوں کیساتھ اسکول جا رہا تھا کہ مزمل اور دو ساتھی اسلحے کے زور پر اغوا کرکے کار پر لے گئے، جس کے بعد ملزمان نے والدہ کو فون کرکے تین کروڑ روپے تاوان مانگا تھا۔
اغواکاروں نے ایک کروڑ روپے وصول کرکے مغوی کو رہا نہ کیا۔
آرگنائزڈ کرائم یونٹ نے جدید ٹیکنالوجی کی مدد سے ملزمان کا سراغ لگایا اور ملزمان سے تاوان کی رقم برآمد کرلی۔
پولیس کا کہنا تھا کہ تیسرے مفرور ملزم کی گرفتاری کیلئے چھاپے مارے جا رہے ہیں، تھانہ مدینہ ٹاؤن میں مغوی کی والدہ کی مدعیت میں مقدمہ درج ہے۔
