کراچی : انٹرنیٹ پر جعلی نمبر پلیٹس اور دستاویزات پر گاڑیاں فروخت کرنے والے دو ملزمان کو گرفتار کرکے مقدمہ درج کرلیا گیا۔
تفصیلات کے مطابق ایف آئی اے سائبر کرائم سرکل نے فیڈرل بی ایریا میں کارروائی کرتے ہوئے انٹرنیٹ پرجعلی نمبرپلیٹ، دستاویزات پرگاڑیاں فروخت کرنے والے دو ملزمان کو گرفتار کرلیا۔
ایڈیشنل ڈائریکٹر سائبر کرائم سرکل کا کہنا ہے کہ گرفتار ملزمان کے نام عمیر اور منظر ہیں، ایف آئی اے کے مطابق مذکورہ گروہ کئی شوروم مالکان کی ملی بھگت سے گاڑیاں فروخت کرتا تھا۔
- Advertisement -
ملزمان سے جعلی دستاویزات پر فروخت گاڑیوں کا ڈیٹا حاصل کرلیا، ملزمان کے خلاف سائبرکرائم سرکل نے مقدمہ درج کرلیا ہے۔
