قومی ٹیم کے اسٹار بیٹر فخر زمان کی چیمپئنز ٹرافی کے لیے ٹیم میں واپسی کا امکان ہے۔
چیمپئنز ٹرافی کے لیے پاکستان ٹیم سات بیٹر، چار فاسٹ بولرز، تین اسپنرز اور ایک وکٹ کیپر پر مشتمل متوازن اسکواڈ کی تیاری کررہا ہے، توقع ہے کہ کپتان محمد رضوان ٹیم میں واحد وکٹ کیپر ہوں گے۔
فخر زمان کو دورہ آسٹریلیا، زمبابوے اور جنوبی افریقا میں ٹیم میں شامل نہیں کیا گیا۔
تاہم چیمپئنز ٹی 20 ٹورنامنٹ میں فخر زمان نے شاندار فارم دکھائی اور دس میچوں میں 30.30 کی اوسط سے 303 رنز بنائے جس میں دو نصف سنچریاں شامل ہیں۔
اس سے قبل فخر زمان نے سوشل میڈیا پر بابر اعظم کو آرام دینے کے پی سی بی کے فیصلے کیخلاف ٹوئٹ کیا تھا جو ان کے ٹیم سے باہر ہونے کا سبب بنا تھا۔
فخر زمان کا کہنا تھا کہ میں نے سوچا کہ یہ بہتر ہوتا کہ اگر میں ٹوئٹ نہیں کرتا لیکن لوگوں یہ غلط فہمی ہے کہ میں نے بورڈ کے فیصلے پر تنقید کی تھی۔
ان کا کہنا تھا کہ میرا ٹوئٹ صحافیوں اور سابق کرکٹرز کے لیے تھا جو پاکستانی اسکواڈ سے اسٹار بلے باز کو ڈراپ کرنے کا کہہ رہے تھے۔
انہوں نے کہا کہ پاکستان کرکٹ بورڈ سے دو ماہ آرام کرنے کی درخواست کی تھی کیونکہ وہ فٹنس مسائل سے دوچار تھے۔
