کراچی: معروف اداکار و گلوکار فخر عالم ٹریفک حادثے میں بال بال بچ گئے۔
تفصیلات کے مطابق معروف اداکار و گلوکار فخر عالم کی گاڑی اس وقت حادثے کا شکار ہوگئی جب وہ شوٹنگ پر جارہے تھے، حادثے میں فخر عالم کو کوئی چوٹ نہیں آئی اور وہ بالکل ٹھیک ہیں۔
فخر عالم نے سماجی رابطے کی ویب سائٹ ٹویٹر پر اپنے پیغام میں کہا کہ ’اس حادثے سے میرا زندہ بچ جانا کسی معجزے سے کم نہیں ہے۔‘
انہوں نے بتایا کہ چنیوٹ سے آنے والے ایک ٹرک نے اچانک یوٹرن لیا جس کے باعث وہ سنبھل نہ سکے اور ان کی گاڑی کو بدترین حادثہ پیش آیا۔
2/5 once tossed to the other side we narrowly missed oncoming traffic. The fact that the driver & I have walked away alive is nothing short of a miracle. These truck operators without proper training are allowed on our roads endangering all of us and our loved ones.
— Fakhr-e-Alam (@falamb3) May 5, 2021
فخر عالم نے لکھا کہ ’براہِ کرم خطرناک ڈرائیوروں کی اطلاع دیں اور سیٹ بیلٹ باندھیں کیونکہ بیلٹ نے ہی آج میری جان بچائی ہے اور سب سے بڑھ کر قانون نافذ کرنے والے اداروں کو چاہیے کہ وہ ایسے غیرذمہ دار لوگوں کو سڑکوں پر گاڑی چلانے کی اجازت نہ دیں۔
انہوں نے بتایا کہ حادثہ کرنے والا ٹرک اب آبپارہ پولیس کی تحویل میں ہے، آگے کیا ہوتا ہے ہم سب دیکھ رہے ہوں گے۔
