سابق وزیراعظم ذوالفقار علی بھٹو کی پوتی اور میر مرتضیٰ بھٹو کی صاحبزادی جو حال ہی میں شادی کے بندھن میں بندھی ہیں کو معروف بھارتی اداکارہ سوارا بھاسکر نے مبارک باد دی ہے۔
بھارتی اداکارہ سوارا بھاسکر نے سوشل میڈیا ویب سائٹ ٹوئٹر پر فاطمہ بھٹو کے ٹوئٹ پر ردعمل دیتے ہوئے انہیں شادی کی مبارکباد دی۔
بالی ووڈ اداکارہ نے اپنے تہنیتی پیغام میں کہا کہ مجھے آپ کی شادی کا سن کر بہت خوشی ہوئی، آپ دونوں کا ساتھ ہمیشہ قائم رہے۔
SO many congratulations Fatima! 💖💖🥳🥳
Wishing you both a lifetime of joy & togetherness. ♥️🌸 https://t.co/Evk80H9GMn— Swara Bhasker (@ReallySwara) May 4, 2023
سوارا بھاسکر کی مبارک باد پر جواباً فاطمہ بھٹو نے بھی ان کا خصوصی شکریہ ادا کیا۔
واضح رہے کہ فاطمہ بھٹو گزشتہ ہفتے کراچی میں اپنے آبائی گھر 70 کلفٹن میں منعقدہ ایک سادہ تقریب میں امریکی شہری گراھم بیرا (جبران) کے ساتھ نکاح ہوا تھا۔
انہوں نے اپنے ٹوئٹر پیغام میں بتایا تھا کہ ان کی شادی اگرچہ سادگی سے ہوئی مگر کئی روایتی رسومات ادا کی گئیں اور ان کے بھائی نے ذوالفقار جونیئر نے انہیں دادی (نصرت بھٹو) کا امام ضامن باندھا جب کہ نکاح کی تقریب دادا (ذوالفقار علی بھٹو) کی لائبریری میں منعقد ہوئی جو کہ ان کی پسندیدہ ترین جگہ ہے۔