The news is by your side.

Advertisement

فرحان اختر کی دوسری شادی کی تاریخ سامنے آ گئی

مشہور بھارتی شاعر اور نغمہ نگار جاوید اختر نے بیٹے فرحان اختر کی دوسری شادی کی تصدیق کر دی ہے۔

بالی ووڈ اداکار اور پروڈیوسر فرحان اختر کی شادی اداکارہ اور میزبان شیبانی ڈانڈیکر سے ہو رہی ہے، دونوں کی شادی کی تاریخ 21 فروری 2022 طے ہوئی ہے۔

فرحان کے والد جاوید اختر نے میڈیا کو تفصیل بتاتے ہوئے کہا کہ کرونا وبا کی وجہ سے یہ شادی سادگی سے ہو رہی ہے، نیز شادی کی تیاریاں بھی جاری ہیں، تاہم دعوت نامے ابھی تقسیم نہیں ہوئے۔

فرحان اختر اور شیبانی ڈانڈیکر مبینہ طور پر 2018 سے تعلقات میں ہیں، جاوید اختر کا کہنا ہے کہ شیبانی ان کے خاندان میں اچھی طرح سے گھل مل گئی ہیں، اور سبھی انھیں پسند کرتے ہیں، فرحان اور شیبانی کے تعلقات بھی بہت اچھے ہیں۔

فرحان اور شیبانی ایک دوسرے کی تصاویر بھی سوشل میڈیا پر شیئر کرتے ہیں، حال ہی میں فرحان اختر کی سال گرہ کے موقع پر شیبانی نے ان کے لیے انسٹاگرام پر ایک نوٹ شیئر کر کے محبت کا اظہار کیا تھا۔

فرحان اختر کی پہلی شادی 2000 میں ہیئر اسٹائلسٹ ادھونا سے ہوئی تھی، جن سے ان کی دو بیٹیاں بھی ہیں، ان کے درمیان 2017 میں علیحدگی ہوئی تھی۔

Comments

یہ بھی پڑھیں