کراچی: تنظیم بحالی کمیٹی کے سربراہ فاروق ستار نے ایم کیو ایم میں واپسی پر رضامندی ظاہر کردی؟۔
اے آر وائی نیوز کے مطابق تنظیم بحالی کمیٹی کے سربراہ فاروق ستار کی گورنر سندھ کامران خان ٹیسوری سے ملاقات ہوئی جس میں ایم کیو ایم، پی ایس پی انضمام اور ان کی پارٹی میں واپسی کے معاملے پر گفتگو ہوئی، کامران ٹیسوری نے انہیں پی ایس پی قیادت سے ہونے والی ملاقات پر اعتماد میں لیا۔
ذرائع کے مطابق پہلے گورنر سندھ کو ان کی رہائشگاہ پی آئی بی کالونی جانا تھا لیکن اب فاروق ستار گورنر ہاؤس پہنچے ہیں جہاں ان کی ملاقات ہوئی۔
ذرائع کا یہ بھی بتانا ہے کہ فاروق ستار نے ایم کیو ایم میں واپسی پر رضامندی ظاہر کردی ہے، ان کے ایک دو نکات پر تحفظات تھے جن پر وہ بات چیت کے لیے گورنر ہاؤس پہنچے۔
علاوہ ازیں بیرون ملک موجود رضا ہارون، ملک میں موجود سیف یار خان ودیگر رہنماؤں سے بھی رابطے کرلیے گئے ہیں اور یہ امکان ظاہر کیا جارہا ہے کہ وہ بہت جلد ایم کیو ایم کا حصہ ہوں گے۔
