کراچی کے علاقے گلشن اقبال میں ڈکیتی کے دوران مزاحمت پر قتل ہونے والے تراب زیدی کے والد نے وزیراعلیٰ سے اپیل کی ہے۔
تفصیلات کے مطابق کراچی میں ڈکیتی پر مزاحمت پر ایک اور شخص کو ڈاکوؤں نے بے رحمی سے قتل کردیا تھا۔ گزشتہ رات قتل ہونے والے تراب زیدی کے والد نے وزیراعلیٰ سندھ سے اپیل کی ہے کہ تراب کے بچوں کیلئےکچھ کیا جائے۔
والد نثار حسین زیدی نے بتایا کہ تراب تین بہنوں کا اکلوتا بھائی تھا، تراب کے 3 بچے ہیں جب کہ سب سے چھوٹا بچہ صرف 6 ماہ کا ہے۔
- Advertisement -
انھوں نے کہا کہ تراب دوست کے ساتھ اے ٹی ایم سے پیسے لےکر نکلا تھا۔ تراب کے دوست نے ڈکیتوں کو پیسے اور موبائل دے دیا تھا۔
والد نے بتایا کہ تراب نے مزاحمت کی تو ڈکیتوں نے سر میں گولی مار دی، تراب کال سینٹرمیں کام کرتا تھا۔