لاہور:معروف ٹیسٹ کرکٹر فواد عالم نے کرکٹ سے ریٹائرمنٹ لینے کا عندیہ دے دیا، جبکہ امکان ظاہر کیا جارہا ہے کہ فواد عالم امریکا منتقل ہوجائیں گے۔
ذرائع کے مطابق معروف ٹیسٹ کرکٹر فواد عالم انٹر نیشنل کرکٹ سے ریٹائرمنٹ لینے پر غور کررہے ہیں، فواد عالم امریکا کی جانب سے کھیلنے کا ارادہ رکھتے ہیں۔
فواد عالم کو 2009 کے بعد 2020 میں انگلینڈ کیخلاف قومی ٹیم میں شامل کیا گیا، جبکہ جولائی 2022 میں آخری ٹیسٹ میچ کھیلنے کے بعد فواد عالم کو ایک مرتبہ پھر قومی ٹیم سے باہر کردیا گیا۔
- Advertisement -
واضح رہے کہ فواد عالم سے قبل احسان عاد ل، سمیع اسلم اور حماد اعظم بھی امریکا میں اپنا پڑاؤ ڈال چکے ہیں، جبکہ کرکٹر فواد عالم 19 ٹیسٹ، 38 ون ڈے اور 24 ٹی ٹوئنٹی میچز میں قومی ٹیم کے لئے اپنی خدمات پیش کرچکے ہیں۔
