The news is by your side.

Advertisement

وزیر اعظم سے وزیر اطلاعات فواد چوہدری کی ملاقات

اسلام آباد: وزیر اعظم عمران خان سے وزیر اطلاعات فواد چوہدری نے ملاقات کی جس میں وزیر اطلاعات نے سندھ میں اتحادیوں سے رابطوں پر وزیر اعظم کو بریفنگ دی۔

تفصیلات کے مطابق وزیر اعظم عمران خان سے وزیر اطلاعات فواد چوہدری نے ملاقات کی۔ ملاقات میں وزیر خزانہ اسد عمر بھی شریک رہے۔

ملاقات میں فواد چوہدری کے دورہ سندھ کے آغاز سے قبل وزیر اعظم سے سیاسی معاملات پر تبادلہ خیال کیا گیا۔

فواد چوہدری نے سندھ میں اتحادیوں سے رابطوں پر وزیر اعظم کو بریفنگ دی۔ وزیر اطلاعات کا کہنا تھا کہ اتحادیوں کی مشاورت سے سندھ کے معاملات کا جائزہ لیں گے۔

ملاقات میں سندھ میں گیس بحران پر بات چیت کی گئی۔ وزیر اعظم عمران خان نے وفاقی وزرا اسد عمر، خسرو بختیار اور غلام سرور کو سندھ میں گیس کے مسائل فوری حل کرنے کی ہدایت کی۔

خیال رہے کہ پاکستان پیپلز پارٹی کے رہنماؤں کا جعلی اکاؤنٹس کیس کی مشترکہ تحقیقاتی ٹیم (جے آئی ٹی) میں نام آنے کے پیش نظر وفاقی وزیر اطلاعات فواد چوہدری جلد سندھ کا دورہ کریں گے۔

ذرائع کے مطابق وزیر اطلاعات ذوالفقار مرزا، امیر بخش بھٹو اور دیگر سیاسی شخصیات سے ملاقاتیں کریں گے، فواد چوہدری جے آئی ٹی رپورٹ پر سیاسی رہنماؤں کو اعتماد میں لیں گے۔

ذرائع کا کہنا ہے کہ فواد چوہدری وزیر اعظم کا خصوصی پیغام بھی سیاسی رہنماؤں کو پہنچائیں گے۔

Comments

comments

یہ بھی پڑھیں