اسلام آباد: تحریک انصاف کے رہنما فواد چوہدری کا مریم نواز کے ٹویٹ پر ردعمل آگیا۔
اے آر وائی نیوز کے مطابق پی ٹی آئی رہنما فواد چوہدری نے ن لیگ کی مرکزی نائب صدر مریم نواز کی خواہش کو مضحکہ خیز قرار دے دیا۔
فواد چوہدری نے کہا کہ ’آپ چاہتی ہیں حکومت آپ کے والد کی طرح عدالت کے خلاف بغاوت کرے۔‘
انہوں نے سوال کیا کہ کیا آپ نارکوس کے وارث ہیں؟
How ridiculous you like your father want Govt to rebel against SC? Are you heirs of Narcos? Sicilian Mafia is a term absolutely fit for you https://t.co/26rqLG8VeY
— Ch Fawad Hussain (@fawadchaudhry) July 26, 2022
فواد چوہدری نے مزید کہا کہ سسلین مافیا آپ کے لیے بالکل موزوں کی اصطلاح ہے۔
واضح رہے کہ اس سے قبل مریم نواز نے اپنے ٹوئٹ میں لکھا تھا کہ حکومت مشکل صورتحال سے نمٹنے کے لیے اقدامات کرے یا اسٹیٹس کو کا شکار بنے۔
ان کا کہنا تھا کہ حکومت کو چاہیے کہ سخت موقف اختیار کرے اور ڈٹ جائے، لیڈر تب بنتا ہے جب وہ مشکل حالات کا سامنا کرتا ہے۔
