لاہور : پی ٹی آئی رہنما فواد چوہدری نے تمام کارکنوں کو پیغام میں کہا ہے کہ حراست میں تشدد سے بچاؤ کیلئے جوبیان پولیس کہتی ہے وہ دے دیں۔
تفصیلات کے مطابق تحریک انصاف کے رہنما فوادچوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ تمام کارکنوں کو کہا ہے اپنے آپ کوپولیس کے تشدد سے بچائیں اور حراست میں تشدد سے بچاؤ کیلئے جوبیان پولیس کہتی ہے وہ دے دیں۔
فوادچوہدری کا کہنا تھا کہ عوام اورعدالت سب کوہی پتہ ہے ان بیانوں کی کوئی حیثیت نہیں، ایسےبیان پربات کرنا شرمندگی کے علاوہ کچھ نہیں،پی ڈی ایم میں کوئی شرم نہیں۔
تمام کارکنوں کو کہا ہے پولیس کی حراست میں تشدد سے بچاؤ کیلئے جو بیان پولیس کہتی ہے وہ دے دیں، عوام اور عدالت سب کو ہی پتہ ہے ان بیانوں کی کوئ حیثیت نہیں، ماسوائے WhatsApp media Group ایسے بیان پر بات کرنا شرمندگی کے علاوہ کچھ نہیں اور PDM میں کوئ شرم نہیں https://t.co/IiawG4ZKKi
— Ch Fawad Hussain (@fawadchaudhry) March 19, 2023
اس سے قبل پی ٹی آئی رہنما نے ایک ٹوئٹ میں لکھا تھا کہ تحریک انصاف کے سینکڑوں کارکن گرفتار کر لئے گئے ہیں، ملک میں بدترین فسطائیت ننگا ناچ رہی ہے اور عدلیہ بے بس نظر آتی ہے، عوام میڈیا، عدلیہ اور سیاسی کارکنوں کے ساتھ بدترین فسطائیت کے سامنے کھڑے ہوں ورنہ یہ ملک ایسے راستے پر ہے کہ واپسی نہیں ہو گی، خدا پاکستانیوں کی حفاظت کرے۔
تحریک انصاف کے سینکڑوں کارکن گرفتار کر لئے گئے ہیں، ملک میں بدترین فسطائیت ننگا ناچ رہی ہے اور عدلیہ بے بس نظر آتی ہے، عوام میڈیا، عدلیہ اور سیاسی کارکنوں کے ساتھ بدترین فسطائیت کے سامنے کھڑے ہوں ورنہ یہ ملک ایسے راستے پر ہے کہ واپسی نہیں ہو گی، خدا پاکستانیوں کی حفاظت کرے
— Ch Fawad Hussain (@fawadchaudhry) March 19, 2023