پاکستان تحریک انصاف کی اہلیہ نے کہا ہے کہ میں اکیلی ہی ان سے لڑنےکیلئےکافی ہوں۔
اسلام آباد میں میڈیا سے گفتگو کرتے ہوئے فواد چوہدری کی اہلیہ کا کہنا تھا کہ آج فواد چوہدری کی پیشی ہے، صبح سے وکلاکی ٹیم یہاں پر موجود ہے، لیکن فوادچوہدری کو پیش نہیں کیا جارہا، نہیں پتا ان سےکس طرح کا سلوک کیا جارہا ہے۔
اہلیہ فوادچوہدری کا کہنا تھا کہ میرا فواد چوہدری سےکسی قسم کا رابطہ نہیں ہے، فیملی کےکسی ممبرکوبتایا نہیں جارہا کہ وہ کہا ہیں میری چیف جسٹس، وزیر اعظم اور نگراں حکومت سے درخواست ہے کہ وہ ہم سے تعاون کریں ہمیں بتایا جائے فوادچوہدری کو کہا رکھاگیا ہے۔
اہلیہ نے کہا کہ آپ ہمیں توڑ نہیں سکتے مجھے اور میری بچیوں پر جتنا ظلم کرنا ہےکریں، میں اکیلی ہی ان سے لڑنےکیلئےکافی ہوں۔
انہوں نے کہا کہ مجھ سےکسی حکومتی بندے نے رابطہ کرنےکی کوشش نہیں کی، دو بچیوں کی ماں ہونے کے ناطے مجھے انصاف دلائیں۔
اہلیہ نے کہا کہ سیشن کورٹ نےکہافوادکوبچوں سےملوایاجائےمگرنہیں ملوایاگیا، دہشت گردوں کی طرح کپڑا ڈال کر ہتھکڑی لگاکر لے جایا جاتا ہے، فواد چوہدری پر کپڑا نہیں ڈالنے دینگے وہ پارلیمنٹیرین ہیں، انہیں سرچ وارنٹ چاہئے فواد پر تشددکرناچاہتے ہیں۔
اہلیہ فوادچوہدری کا مزید کہنا تھا کہ اگر فواد نےکوئی جرم کیا تو عدالتیں فیصلہ کریں، وزیر اعظم صاحب مجھے جواب چاہئےکہ میرے شوہرکہاں ہیں، میں آپکے آگے ہاتھ جوڑتی ہوں۔
