پی ٹی آئی رہنما وسابق وفاقی وزیر فواد چوہدری نے احسن اقبال کی پریس کانفرنس پر کڑی تنقید کرتے ہوئے فوری انتخاب کرانے کے مطالبے کو دہرایا ہے۔
پاکستان تحریک انصاف کے رہنما اور سابق وفاقی وزیر اطلاعات ونشریات فواد چوہدری نے سماجی رابطوں کی ویب سائٹ ٹوئٹر پر وفاقی وزیر ترقی ومنصوبہ بندی احسن اقبال کی پریس کانفرنس پر کڑی تنقید کی ہے۔
فواد چوہدری نے اپنے ٹوئٹ میں احسن اقبال کی پریس کانفرنس کو سیاسی اشرافیہ کی زمینی حقیقتوں سے دوری کی گواہی قرار دیتے ہوئے کہا ہے کہ لوگ آپ کے خلاف اس لئے ہیں کہ آپ ان کا سیاسی مینڈیٹ چوری کر کے اقتدار پر قابض ہیں۔
پی ٹی آئی رہنما نے مزید کہا ہے کہ ملک میں سیاسی استحکام سے ہی سماجی استحکام ممکن ہے، یہ نظام طاقت پر قائم نہیں رہ سکتا، الیکشن کراؤ۔
احسن اقبال کی پریس کانفرنس سیاسی اشرافیہ کی زمینی حقیقتوں سے دوری کی گواہی ہے،لوگ آپ کےخلاف ہیں اس لئے خلاف ہیں کیوں کہ آپ ان کا سیاسی مینڈیٹ چوری کر کے اقتدار پر قابض ہیں ملک میں سیاسی استحکام سے ہی سماجی استحکام ممکن ہے یہ نظام طاقت پر قائم نہیں رہ سکتا۔۔الیکشن کراؤ
— Ch Fawad Hussain (@fawadchaudhry) July 9, 2022
واضح رہے کہ وفاقی وزیر ترقی ومنصوبہ بندی احسن اقبال نے اپنی پریس کانفرنس میں کہا ہے کہ اگر ہم پٹرول سمیت دیگر اشیا کی قیمتیں نہ بڑھاتے تو ملک کے سری لنکا جیسے حالات ہوتے۔
یہ بھی پڑھیں: مہنگائی نہ کرتے تو سری لنکا جیسے حالات ہوتے، احسن اقبال کی ایک اور نرالی منطق
ان کا کہنا تھا کہ ہم نے ملک کو دیوالیہ ہونے سے بچانے کے لیے سمندر میں چھلانگ لگائی اور عمران حکومت کا بوجھ اٹھایا، پاکستان کو جب سنبھال لیں گے تو عوام ہمیں پہلے سے زیادہ مینڈیٹ دیں گے۔