کراچی: پی ٹی آئی رہنما علی زیدی کو گرفتار کر لیا گیا ہے، ان کے خلاف ابراہیم حیدری تھانے میں مقدمہ فضل الہٰی کی مدعیت میں فراڈ کے تحت درج کیا گیا۔
تفصیلات کے مطابق پی ٹی آئی سندھ کے صدرعلی زیدی کو آج ڈیفنس کے دفتر سے گرفتار کر لیا گیا ہے، 2013 کے معاملے پر گزشتہ روز ابراہیم حیدری تھانے میں ان کے خلاف مقدمہ درج کیا گیا تھا، جس پر علی زیدی کو دفتر سے دھکے مارتے ہوئے حراست میں لیا گیا۔
ایف آئی آر کے متن میں شکایت کنندہ نے لکھوایا ’’علی زیدی نے مجھ سے 2013 میں 18 کروڑ روپے لیے، جس بدلے مجھے ایک فائل ملی، جس کی قیمت 16 کروڑ 75 لاکھ روپے تھے، اور ایک کروڑ 25 لاکھ روپے 6 ماہ بعد دینے کا وعدہ کیا۔‘‘
پی ٹی آئی سندھ کے صدر علی زیدی کو پولیس نے گرفتار کر لیا
ایف آئی آر کے متن کے مطابق فضل الہٰی نے دعویٰ کیا ہے کہ ’’جب میں نے وقت مقررہ پر رقم کا تقاضا کیا تو ملزم ٹال مٹول کرنے لگا، جب رقم نہ ملی تو میں نے فائل بیچنا چاہی تو وہ جعلی نکلی، ملزم سے رقم کے لیے بار بار رابطہ کرنے پر مجھے دھمکیاں ملنے لگیں۔‘‘
پی ٹی آئی سندھ کے صدر علی زیدی کی گرفتاری کے مناظر pic.twitter.com/hfiArPC0l3
— Faizullah Khan فیض (@FaizullahSwati) April 15, 2023
شکایت کنندہ نے کہا ہے کہ اس فراڈ کی وجہ سے گھر والے تک پریشان ہوئے، پولیس سے درخواست ہے کہ ملزم کے خلاف کارروائی عمل میں لائی جائے۔
