اسلام آباد: فیڈرل بورڈ آف ریونیو( ایف بی آر) نے گوشوارے جمع کرانے کی تاریخ میں مزید توسیع نہ کرنے کا اعلان کردیا۔
ترجمان ایف بی آر کا کہنا ہے کہ آج گوشوارے جمع کرانے کے آخری دن تک ایف بی آر نے سال 2019 کے تقریبا” ساڑھے چوبیس لاکھ گوشوارے وصول کئے جو پچھلے سال کے سولہ لاکھ ستاسی ہزار کے مقابلے میں 45 فیصد زائد ہے ۔
ترجمان کے مطابق ماہ فروری میں وصول شدہ ٹیکسوں کی تعداد بھی گزشتہ سال کی نسبت 17 فیصد زائد ہے جس پر چئیر پرسن نوشین امجد نے ایف بی آر کے افسران اور سٹاف کو ان کی ان تھک کوششوں اور محنت پر مبارکباد دی ہے۔
- Advertisement -
ترجمان کا کہنا ہے کہ 29 فروری کی رات 12 بجے ایکٹو ٹیکس پئیر لسٹ سال 2018 سے 2019 پر تبدیل کردی جائے گی جس کی وجہ سے 2019 کا گوشوارے نہ جمع کرانے والے افراد اس لسٹ سے خارج کر دئیے جائیں گے۔
