ایف اے ٹی ایف کی شرائط پر عملدرآمد کے لیے قوانین میں مزید سختی، بڑی پابندی

اسلام آباد : فیڈرل بورڈ آف ریوینو (ایف بی آر) نے ایف اے ٹی ایف کی شرائط پر عملدرآمد کے لیے پراپرٹی ڈیلرز، ریئل اسٹیٹ ایجنٹس پر مجرموں سے کاروبار پر پابندی عائد کردی۔

تفصیلات کے مطابق ایف اے ٹی ایف کی شرائط پر عملدرآمد کے لیے قوانین میں مزید سختی کردی گئی ، اینٹی منی لانڈرنگ ،کاؤنٹر ٹیرر فنانسنگ ریگولیشنزمیں ترامیم متعارف کرادی گئی ہے۔

ایف بی آر نے ریئل اسٹیٹ سیکٹرکیلئے نئی شرائط کا نوٹی فکیشن جاری کردیا ، جس میں پراپرٹی ڈیلرز،ریئل اسٹیٹ ایجنٹس پرمجرموں سے کاروبار پر پابندی عائد کردی۔

ایف بی آر کی جانب سے جاری نوٹیفکیشن میں کہا گیا کہ کسی بھی متعلقہ سزا یافتہ شخص سےکاروبارنہ کیا جائے، سزا یافتہ افراد کو ڈی این ایف بی پیزمیں سینئر عہدہ نہ دیا جائے۔

نوٹیفکیشن کے مطابق بینفشل اونرسینئرعہدوں میں تبدیلی پربھی ایف بی آرکومطلع کیاجائے۔

Comments