The news is by your side.

Advertisement

عوام اسمگل شدہ اشیا کے استعمال سے گریز کریں، ایف بی آر

اسلام آباد: فیڈرل بورڈ آف ریونیو (ایف بی آر) نے عوام پر زور دیا ہے کہ دکاندار یا پرچون فروش سے ہرخریداری پررسید طلب کرنے کی عادت اپنائیں۔

تفصیلات کے مطابق ایف بی آر نے عوام سے اپیل کی ہے کہ وہ اسمگل شدہ اشیاء خریدنے سے اجتناب کریں کیونکہ ان سے مقامی مصنوعات کی خریدو فروخت بری طرح متاثر ہوتی ہے۔

فیڈرل بورڈ آف ریونیو کی جانب سے جاری بیان میں کہا گیا ہے کہ غیرقانونی طریقے سے درآمد کردہ اشیاء کی خریداری کا رجحان قومی معیشت پر منفی اثرات مرتب کرتا ہے۔

ایف بی آر نے عوام پر زور دیا ہے کہ دکاندار یا پرچون فروش سے ہرخریداری پررسید طلب کرنے کی عادت اپنائیں۔

فیڈرل بورڈ آف ریونیو کے مطابق اس عادت سے قومی معیشت کو عروج حاصل ہوگا اور غیر دستاویزی معیشت کو دستاویزی شکل میں تبدیل کیا جاسکے گا۔

ایف بی آر نے عوام سے اپیل کی ہے کہ وہ قومی تعمیر نو میں حصہ لیتے ہوئے حب الوطنی کا ثبوت دیں۔

چیئرمین ایف بی آرکا بےنامی اکاؤنٹس کے خلاف کارروائی کا فیصلہ

یاد رہے کہ گزشتہ روز فیڈرل بورڈ آف ریونیو (ایف بی آر) کے چیئرمین شبر زیدی نے بینکوں کو بے نامی اکاؤنٹس کی تفصیلات فراہم کرنے کی ہدایت کی تھی۔

Comments

comments

یہ بھی پڑھیں