اسلام آباد: وفاقی حکومت نے ہائی سیکیورٹی زون کے حوالے بڑا فیصلہ کرلیا، یکم نومبر سے موٹر سائیکل کے داخلے پر پابندی ہوگی۔
تفصیلات کے مطابق انتظامیہ اورپولیس نے ہائی سیکیورٹی زون کے حوالے سے نئی حکمت تیار کر لی ہے، یکم نومبر سے ہائی سیکیورٹی میں موٹر سائیکل کے داخلے پر پابندی عائد ہوگی۔
ذرائع نے بتایا کہ موٹرسائیکل اب کنونشن سنٹر میں پارک ہونگے، کنونشن سنٹر سے ہائی سیکیورٹی میں داخلے کے لئے شٹل سروس چلائی جائیگی۔
- Advertisement -
ذرائع نے بتایا کہ فیصلہ ہائی سیکیورٹی زون میں ٹریفک کے رش کو کنٹرول کرنے کیلئے کیا گیا ہے، بری امام آنے اور جانے کے لئے متبادل راستہ استعمال کیا جاسکے گا۔
ذرائع نے مزید بتایا کہ پابندی پر عملدر آمد کے لئے پولیس اور انتظامیہ کو ہدایت جاری کردی گئی۔
