بونیر : کرکٹ میچ کے دوران میں نو بال کے تنازع پر چھریاں اورلاٹھیاں چل گئیں، جس کے نتیجے میں بیس افراد زخمی ہوگئے، پولیس نے واقعے کا مقدمہ درج کر کے متعدد افراد کو گرفتار کرلیا۔
تفصیلات کے مطابق بونیر میں کرکٹ میچ کے دوران چھریاں اورلاٹھیاں چل گئیں، جس کے نتیجے میں بیس افراد زخمی ہوگئے۔
ناوے ڈھنڈ کرکٹ گراؤنڈ میں نو بال کے تنازع پر لڑائی چھڑ گئی، جس کے بعد کھلاڑی اور تماشائی گتھم گتھا ہوگئے، جس سے متعدد افراد زخمی ہوئے۔
- Advertisement -
پولیس اور ریسکیو اہلکاروں نے موقع پر پہنچ کر زخمیوں کو ڈی ایچ کیو اسپتال ڈگر منتقل کیا جبکہ ایک شدید زخمی کو لیڈ ریڈنگ اسپتال پشاور روانہ کیا گیا۔
پولیس نے واقعے کا مقدمہ درج کر کے متعدد افراد کو گرفتار کرلیا ہے۔
